கேரளாவில் ஜீப்பில் சென்று கொண்டிருந்த போலீஸை விரட்டி சென்ற இளைஞர் அவர்களை சீட் பெல்ட் போட சொல்லி அறிவுறுத்திய வீடியோ இணையத்தில் வைரலாக பரவி வருகிறது.
கேரளா பகுதியில் ஆலப்புழாவில் ஜீப்பில் சீட் பெல்ட் போடாமல் இரண்டு போலீஸார் சென்று கொண்டிருந்திருக்கின்றனர். அதை பார்த்த இளைஞர் ஒருவர் பைக்கில் பயணித்த படியே அவர்களிடம் சீட் பெல்ட் போடுமாறு சொல்லியிருக்கிறார். ஆனால் அதை காதில் வாங்கி கொள்ளாமல் அவர்கள் போய் கொண்டிருந்தார்கள். போலீஸ் வாகனத்தை முந்தி சென்ற அந்த இளைஞர் குறுக்கே பைக்கை நிறுத்தினார். பிறகு போலீஸிடம் சென்று சீட் பெல்ட் அணியுமாறு மீண்டும் அறிவுறுத்தியுள்ளார்.
இந்த வீடியோ இணையத்தில் வெளியாகி வைரலாகி வருகிறது. பலர் இளைஞரின் செயலை பாராட்டியுள்ளனர். அதேசமயம் பலர் பைக்கில் செல்லும்போது வீடியோ எடுப்பது மட்டும் சரியான செயலா என்று கேள்வியும் எழுப்பியுள்ளனர்.