சோனியா காந்தி-மம்தா பானர்ஜி திடீர் சந்திப்பு! ஜனாதிபதி வேட்பாளர் யார்?

ஜனாதிபதி பிரணாப் முகர்ஜியின் பதவிக்காலம் விரைவில் முடிவடைவதை அடுத்து அடுத்த ஜனாதிபதி வேட்பாளரை தேர்வு செய்ய பாஜகவும், காங்கிரஸ் கட்சியும் தீவிர முயற்சியில் ஈடுபட்டு கொண்டிருக்கின்றது.

பாஜக தேர்வு செய்யும் ஜனாதிபதி வேட்பாளர் வெற்றி பெற அதிக வாய்ப்புகள் இருந்தபோதிலும் காங்கிரஸ் கட்சி அதிரடி வேட்பாளர் ஒருவரை நிறுத்தினால் நிலைமை மாறும் என்று கூறப்படுகிறது.

இந்த நிலையில் நேற்று காங்கிரஸ் தலைவர் சோனியா காந்தியை சந்தித்துள்ளார் திரிணாமூல் காங்கிரஸ் கட்சியின் தலைவரும் மேற்குவங்க முதல்வருமான மம்தா பானர்ஜி சந்தித்துள்ளார். இது குறித்து மம்தா பானர்ஜி செய்தியாளர்களிடம் கூறுகையில், 'குடியரசு தலைவர் தேர்தலுக்கு பொதுவான ஒரு வேட்பாளரை நிறுத்துவது குறித்து பேசுவார்த்தை நடந்து வருகிறது. இதுவரை யாரும் உறுதி செய்யப்படவில்லை' எனக் கூறியுள்ளார்.

ஆனால் ஜனாதிபதி வேட்பாளரை காங்கிரஸ் கிட்டத்தட்ட முடிவு செய்துவிட்டதாகவும் யாரும் எதிர்பார்க்காத அந்த நபரின் பெயர் விரைவில் அறிவிக்கப்படும் என்றும் கூறப்படுகிறது.