தமிழகம், கேரளா, மேற்கு வங்கம், அசாம் மற்றும் புதுவை ஆகிய 5 மாநிலங்களில் தற்போது தேர்தல் நடைபெற்று வருகிறது. ஏற்கனவே அஸ்ஸாம் மற்றும் மேற்கு வங்கம் ஆகிய மாநிலங்களில் முதல்கட்ட தேர்தல் நடைபெற்று முடிந்துவிட்டது என்பது தெரிந்ததே
இந்த நிலையில் இன்று மேற்கு வங்க மாநிலத்தில் இரண்டாம் கட்ட தேர்தல் நடைபெற உள்ளது. மேற்குவங்கத்தில் உள்ள 30 தொகுதிகளுக்கு இன்று வாக்குப்பதிவு நடைபெற உள்ளது என்பதும் அதில் மேற்கு வங்க முதல்வர் மம்தா பானர்ஜி போட்டியிடும் நந்திகிராம் தொகுதியும் ஒன்று என்பது குறிப்பிடத்தக்கது
கடந்த சில நாட்களுக்கு முன்னர் சிறிய அளவில் விபத்து நேர்ந்தாலும் முதல்வர் மம்தா அவர்கள் சக்கர நாற்காலியில் உட்கார்ந்து கொண்டே தனது தொகுதியிலும் மாநிலம் முழுவதும் பிரசாரம் செய்து வருகிறார்
மேற்குவங்க மாநிலத்தை பொறுத்தவரை காங்கிரஸ் மற்றும் கம்யூனிஸ்ட் கட்சிகள் போட்டியில் இருந்தாலும் உண்மையான போட்டி மம்தா பானர்ஜியின் திரிணாமுல் காங்கிரஸ் கட்சி மற்றும் பாஜகவுக்கும் இடையே தான் இருப்பதாக கூறப்படுகிறது
அனைத்து கருத்துக் கணிப்புகளும் திரிணாமுல் காங்கிரஸ் மீண்டும் வெற்றி பெறும் என்று கூறப்பட்டாலும் பாஜக 100 தொகுதிகளில் வெற்றி பெற வாய்ப்பு இருப்பதாக கூறப்படுகிறது இன்று நடைபெற உள்ள இரண்டாம்கட்ட தேர்தலுக்காக அம்மாநிலத்தில் பலத்த பாதுகாப்பு ஏற்பாடுகள் செய்யப்பட்டுள்ளன என்பது குறிப்பிடத்தக்கது