WWE விளையாட்டில் இந்தியாவின் நம்பிக்கை நட்சத்திரமான தி கிரேட் நடித்த விளம்பர படம் இணையத்தில் வைரலாக பரவி வருகிறது.
WWE என்றழைக்கப்படும் உலக பொழுதுபோக்கு குத்துச்சண்டை போட்டி நம் அனைவருக்கும் பரிச்சியமே. அன்டர் டேக்கர், கெயின், கோல்டு பெர்க், ஸ்டீவ் ஆஸ்டின், தி ராக், ஸ்டிங், போன்ற பல வெளிநாட்டவர்கள் கோலோச்சிய இந்த விளையாட்டில் இந்தியாவைச் சேர்ந்த ஒரு வீரரும் இல்லை என்ற குறை சில ஆண்டுகளுக்கு முன்பு இருந்தது.
இந்தியர்களின் இந்த மனக்குமறல்களை அடியோடு வேர் அறுத்தவர் தி கிரேட் காலி. தனது ராட்ச உடல் தோற்றத்தால் பல முன்னணி வீரர்களையும் சுழற்றி அடித்த தி கிரேட் காலி இந்தியாவின் பஞ்சாப் மாநிலத்தைச் சேர்ந்தவர். இவர் தற்போது ஒரு நிறுவனத்தின் விளம்பர படத்தில் நடித்துள்ளார்.
யூ டூ யூப் இணையத்தில் பதிவேற்றம் செய்யப்பட்டுள்ள இந்த வீடியோவை இதுவரை 3 லட்சத்துக்கும் அதிகமானோர் பார்த்து ரசித்துள்ளனர்.