விமானத்திற்கு இணையாக ரயில்கள்: இந்திய ரயில்வே அசத்தல்

ரயிலில் பயணம் செய்யும் பயணிகளின் எண்ணிக்கையை அதிகரிக்க வேண்டும் என்பதற்காக இந்தியன் ரயில்வே அவ்வப்போது புதுப்புது வசதிகளை செய்து கொடுத்து வரும் நிலையில் தற்போது விமானத்தில் இருப்பது போன்றே ரயில்களில் சீட்கள் அமைக்கப்படவிருப்பதாக அறிவிக்கப்பட்டுள்ளது.

முதல்கட்டமாக ரயில்களில் விமானத்தின் அனுபவத்தை வழங்க, சதாப்தி ரயில்களில், விமானத்தில் உள்ள இருக்கை போன்ற பல்வேறு வசதிகளை உடைய ரயில்பெட்டிகள் அறிமுகம் செய்யப்பட உள்ளதாக ரயில்வே அதிகாரிகள் தெரிவித்துள்ளனர். அனுபூதி லக்சரி கோச் என்று அழைக்கப்படும் இந்த ரயில் பெட்டிகள் சென்னையில் தயாரிக்கப்பட்டு வருவதாகவும், இந்த ரயில் பெட்டிகளுடன் கூடிய ரயில்கள் விரைவில் பயன்பாட்டுக்கு வரவுள்ளதாகவும் இந்தியன் ரயில்வே அறிவித்துள்ளது

நவீன வசதிகளுடன் கூடிய இந்த ரயில்பெட்டிகள் அறிமுகம் செய்யப்பட்டால் ரயில் பயணம் என்பது விமானத்திற்கு இணையும் என்றும் ரயில்வே அதிகாரிகள் நம்பிக்கை தெரிவித்துள்ளனர்.