தமிழகம் உள்பட ஒருசில மாநிலங்களில் கடந்த சில நாட்களாக கொரோனா வைரஸ் மிக வேகமாக பரவி வரும் நிலையில் தமிழகத்தின் அண்டை மாநிலங்களில் ஒன்றான புதுவையில் ஒன்றாம் வகுப்பு முதல் எட்டாம் வகுப்பு வரை உள்ள அனைத்து வகுப்புகளுக்கும் மார்ச் 31ம் தேதி வரை விடுமுறை என அம்மாநில துணை நிலை ஆளுநர் தமிழிசை சௌந்தர்ராஜன் அவர்கள் அறிவித்திருந்தார்
அதுமட்டுமன்றி 9 10 11 ஆகிய வகுப்புகளுக்கு விடுமுறை அளிப்பது குறித்து ஆலோசித்து வருவதாகவும் அவர் தெரிவித்திருந்தார். இந்த நிலையில் தற்போது வெளிவந்துள்ள தகவலின் படி 9 10 11 ஆம் வகுப்புகளுக்கும் மார்ச் 22ஆம் தேதி முதல் விடுமுறை என அறிவிக்கப்பட்டதோடு ஆன்லைன் வகுப்புகள் மட்டும் தொடர்ந்து இயங்கும் என ஆளுனர் அறிவித்துள்ளார்
இந்த அறிவிப்பின் காரணமாக புதுச்சேரியில் ஒன்றாம் வகுப்பு முதல் பதினோராம் வகுப்பு வரை பள்ளிகளுக்கு விடுமுறை என்பது உறுதியாகி உள்ளது