குடியரசுத் தலைவர் பிரணாப் முகர்ஜி 26 ஆம் தேதி புதுச்சேரியில் உள்ள ஜிப்மர் மருத்துவமனை விழாவில் கலந்து கொள்வதற்காக சென்னை வருகிறார்.
இதற்காக 26 ஆம் தேதி காலை 11 மணிக்கு டெல்லியில் இருந்து விமானப்படை விமானத்தில் புறப்படுகிறார். பகல் 1.30 மணியளவில் சென்னை பழைய விமான நிலையம் வந்து சேருகிறார். விமான நிலையத்தில் குடியரசுத் தலைவருக்கு வரவேற்பு அளிக்கப்படுகிறது.
பகல் 1.40 மணிக்கு சென்னை விமான நிலையத்தில் இருந்து ஹெலிகாப்டர் மூலம் புதுச்சேரிக்குச் செல்கிறார். அங்கு நடைபெறும் விழாவில் கலந்துகொண்டு விட்டு மாலை 5.25 மணிக்கு சென்னைக்கு ஹெலிகாப்டர் மூலம் வந்து சேருகிறார்.
சென்னை பழைய விமான நிலையத்தில் ஜனாதிபதிக்கு வழியனுப்பு விழா நடக்கிறது. மாலை 5.40 மணிக்கு டெல்லிக்கு விமானப்படை விமானத்தில் புறப்பட்டு செல்கிறார்.
ஜனாதிபதி வருகையையொட்டி டெல்லி சிறப்பு படையினர் நேற்று சென்னை வந்தனர். பழைய விமான நிலையத்தில் பாதுகாப்பு ஏற்பாடுகளை அவர்கள் பார்வையிட்டனர்.
பிரணாப் முகர்ஜியின் வருகையையொட்டி விமான நிலையத்தில் 26 ஆம் தேதி இரவு வரை 5 அடுக்கு பாதுகாப்பு போடப்பட்டு உள்ளது. வாகனங்கள், பயணிகள், பலத்த சோதனைக்கு பின்னரே அனுமதிக்கப்படுவார்கள் என அதிகாரிகள் தெரிவித்துள்ளார்.