ரூ.90ஐ நெருங்கிய பெட்ரோல் விலை: விரைவில் சதமடிக்குமா?

பெட்ரோல் மற்றும் டீசல் விலை கடந்த சில நாட்களாக உயர்ந்து வருவது பொது மக்களை அதிருப்திக்கு உள்ளாக்கி உள்ள நிலையில் இன்றைய பெட்ரோல் விலை உயர்வால் விரைவில்ரூ.90ஐ நெருங்கிவிடும் என தெரிகிறது

உலக அளவில் கச்சா எண்ணெயின் விலை குறைந்து கொண்டே வந்த போதிலும் இந்தியாவில் மட்டும் பெட்ரோல் மற்றும் டீசலின் விலை உயர்ந்து கொண்டே இருந்தது. அதற்கு காரணம் மத்திய மற்றும் மாநில அரசுகள் விதிக்கும் வரிகள் சதவீதம் உயர்ந்து கொண்டே இருப்பதுதான் என்பதும் இதனை எதிர்க்கட்சிகள் கண்டித்து வருகின்றன என்பதும் குறிப்பிடத்தக்கது. 

இருப்பினும் மத்திய மாநில அரசுகள் வரியை குறைக்காததன் காரணமாக இந்தியா முழுவதும் பெட்ரோல் டீசல் விலை உயர்ந்து கொண்டே இருந்தது. இந்த நிலையில் சென்னையில் பெட்ரோல் விலை லிட்டருக்கு 31 காசுகள் உயர்ந்ததால் இன்று பெட்ரோல் விலை சென்னையில் ரூ.88.60 ஆக விற்பனை செய்யப்படுகிறது. இதேபோல் டீசல் விலை லிட்டருக்கு 33 காசுகள் உயர்ந்துள்ளதால் ரூ.81.47 என்ற விலையில் விற்கப்பட்டு வருகிறது.