ஜெ.விற்கு அஞ்சலி செலுத்த மோடி இன்று சென்னை வருகை

தமிழக முதல்வர் ஜெயலலிதாவிற்கு அஞ்சலி செலுத்துவதற்காக பிரதமர் மோடி இன்று சென்னைக்கு வருகிறார் என்ற தகவல் வெளியாகியுள்ளது.

உடல் நலக்குறைவு காரணமாக சென்னை அப்பல்லோ மருத்துவமனையில் அனுமதிக்கப்பட்டிருந்த தமிழக முதல்வர் ஜெயலலிதா, சிகிச்சை பலனின்றி நேற்று இரவு 11.30 மணியளவில் உயிரிழந்தார்.

அவரின் உடல் தற்போது சென்னை ராஜாஜி  அரங்கில் பொதுமக்கள் பார்வைக்காக வைக்கப்பட்டுள்ளது. மேலும், மெரினா கடற்கரையில் உள்ள முன்னாள் முதல்வர் எம்ஜிஆரின் சமாதி அருகே இன்று மாலை 4.30 மணிக்கு அவரின் உடல் நல்லடக்கம் செய்யப்பட உள்ளது.

இந்நிலையில், ஜெயலலிதாவிற்கு அஞ்சலி செலுத்த பிரதம் மோடி இன்று மாலை சென்னை வருகிறார் என்ற தகவல் வெளியாகியுள்ளது. அதேபோல் காங்கிரஸ் துணைத்தலைவர் ராகுல்காந்தியின் ஜெ.விற்கு அஞ்சலி செலுத்த இன்று சென்னை வருகிறார்.