கேரளாவின் ஆலப்புழா அருகே காங்கிரஸ் எம்.பி. ஜோதிர் ஆதித்யா சென்ற கார் மோதியதில் ஒருவர் பலியாகியுள்ளார். இந்த விபத்தில் ஜோதிர் ஆதித்யா எந்தவித காயங்களும் இன்றி உயிர் தப்பியதாக செய்திகள் வெளியாகி உள்ளன.
65 வயது முதியவர் சென்றுகொண்டிருந்த இருச்சக்கர வாகனத்தில் எம்.பி.யின் கார் மோதியதில் அந்த முதியவர் இறந்ததாக கேரளா காவல்துறை கூறியுள்ளது.
நிகழ்ச்சி ஒன்றில் பங்கேற்பதற்காக சென்றபொழுது கொச்சி ஆலப்புழா அருகே புதியகாவு என்ற இடத்தில் இந்த விபத்து நடந்துள்ளதாக கூறப்படுகிறது.
இந்த விபத்தில் பலியானவர் புதியகாவு பகுதியை சார்ந்த சசி என்பவர் என அடையாளம் காணப்பட்டுள்ளது. அவர் பலத்த காயங்களுடன் உடனடியாக அருகில் இருந்த மருத்துவமனைக்கு கொண்டு செல்லப்பட்டதாக காவல்துறை தரப்பில் சொல்லப்பட்டுள்ளது. இருந்த போதிலும் அவர் சிகிச்சை பலனின்றி உயிரிழந்தார்.
