அடுக்குமாடி கட்டிடங்களுக்கு 1% தீயணைப்பு பாதுகாப்பு வரி: அரசின் அதிரடி அறிவிப்பு!

கர்நாடக அரசு, உயரமான அடுக்குமாடி கட்டிடங்களுக்கு 1% தீயணைப்பு பாதுகாப்பு வரி   விதிப்பதாக அறிவித்துள்ளது. இந்த புதிய வரி, தீயணைப்பு சேவை சட்ட விதிகளின் கீழ் வரும் அடுக்குமாடி வணிக மற்றும் குடியிருப்பு கட்டிடங்களுக்கு பொருந்தும் என்றும் அறிவிக்கப்பட்டுள்ளது.

இதுபோன்ற வரிகள் நீண்ட காலமாக அதிகரிக்கப்படாததாலும், "இந்த குறிப்பிட்ட ஒரு சதவீத வரியை அதிகரிக்க இதுவே சரியான நேரம்" என்று அரசு கருதுவதாலும் இந்த வரி அறிமுகப்படுத்தப்படுவதாக கர்நாடக அரசு தெரிவித்துள்ளது. இந்த நடவடிக்கை, கட்டுமான நிறுவனங்களுக்கும், சொத்து உரிமையாளர்களுக்கும் ஒரு புதிய சுமையாக இருக்கும் என எதிர்பார்க்கப்படுகிறது.

இந்த வரியின் அளவு ஒவ்வொரு சொத்துக்கும் மாறுபடும். ஏனெனில், வரி கணக்கீடு கட்டிடத்தின் குறிப்பிட்ட அம்சங்களான அடுக்குமாடிகளின் எண்ணிக்கை போன்றவற்றை சார்ந்தது என அரசு தரப்பு தெரிவித்துள்ளது. இது கர்நாடகாவில் உள்ள உயரமான கட்டிடங்களின் கட்டுமானம் மற்றும் பராமரிப்பு செலவுகளில் தாக்கத்தை ஏற்படுத்தும் என எதிர்பார்க்கப்படுகிறது.

Edited by Siva