காங்கிரஸ் கட்சியில் இருந்து முன்னாள் முதல்வர் விலகல்: பாஜகவில் இணைகிறாரா?

தேர்தல் நெருங்க நெருங்க ஒரு கட்சியிலிருந்து இன்னொரு கட்சிக்கு தாவும் அரசியல்வாதிகளின் எண்ணிக்கை அதிகரித்து வரும் என்பதை அவ்வப்போது பார்த்து வருகிறோம். 

அந்த வகையில் நாடாளுமன்ற தேர்தல் அடுத்த ஆண்டு நடைபெற இருக்கும் நிலையில் தற்போதே கட்சி தாவல் நிகழ்வு நடைபெற்று வருகிறது. அந்த வகையில் ஆந்திர மாநில முன்னாள் முதலமைச்சர் கிரண்குமார் ரெட்டி காங்கிரஸ் கட்சியிலிருந்து இன்று திடீரென விலகுவதாக அறிவித்துள்ளார். 

இது குறித்து காங்கிரஸ் தலைவருக்கு அவர் அனுப்பி உள்ள ராஜினாமா கடிதத்தில் காங்கிரஸ் கட்சியின் அடிப்படை உறுப்பினர் உள்ளிட்ட அனைத்து பொறுப்புகளில் இருந்தும் விலகுவதாக அவர் தெரிவித்துள்ளார். 

இந்த நிலையில் காங்கிரஸ் கட்சியில் இருந்து விலகிய ஆந்திர முன்னாள் முதல்வர் கிரண்குமார் ரெட்டி பாஜகவில் இணைவார் என்று கூறப்பட்டு வருகிறது.

Edited by Siva