தமிழகம் உள்பட 5 மாநிலங்களில் தேர்தல் தேதி அறிவிக்கப்பட்டுள்ளதை அடுத்து தேர்தல் நடத்தை விதிமுறைகள் அந்த மாநிலங்களில் கடைபிடிக்கப்பட்டு வருகிறது
இந்த நிலையில் தேர்தல் நடைபெறும் மாநிலங்களில் உள்ள பெட்ரோல் நிலையங்களில் பிரதமர் மோடியின் படத்தை அகற்ற வேண்டும் என்று தேர்தல் ஆணையம் உத்தரவு பிறப்பித்துள்ளது
தமிழகம் புதுச்சேரி கேரளா மேற்கு வங்கம் மற்றும் அஸ்ஸாம் ஆகிய மாநிலங்களில் தேர்தல் நடைபெறும் தேதிகள் குறித்த அறிவிப்பை சமீபத்தில் தேர்தல் ஆணையம் வெளியிட்டுள்ளது. இதனை அடுத்து 5 மாநிலங்களிலும் தேர்தல் நடத்தை விதிமுறைகள் அமலுக்கு வந்துள்ளது
இந்த நிலையில் இந்த ஐந்து மாநிலங்களில் உள்ள பெட்ரோல் நிலையங்களில் உள்ள பிரதமர் மோடியின் படத்தை அகற்ற வேண்டும் என்று தேர்தல் ஆணையம் உத்தரவிட்டுள்ளது. 72 மணி நேரங்களுக்குள் அனைத்து பெட்ரோல் நிலையங்களில் உள்ள பிரதமர் மோடியின் படத்தை அகற்ற வேண்டும் என தேர்தல் ஆணையம் கெடு விதித்து உத்தரவு பிறப்பித்துள்ளதால் பெரும் பரபரப்பு ஏற்பட்டுள்ளது