இளம்பெண்ணை 12கி.மீ இழுத்து சென்ற கார்! – அதிர்ச்சியளிக்கும் சிசிடிவி காட்சி!

டெல்லியில் விபத்தில் சிக்கிய இளம்பெண்ணை 12 கி.மீ தூரத்திற்கு கார் இழுத்து சென்ற சிசிடிவி காட்சிகள் வெளியாகி அதிர்ச்சியை ஏற்படுத்தியுள்ளது.

டெல்லியில் புத்தாண்டு கொண்டாட்டங்கள் களைக்கட்டியிருந்த நிலையில் அப்பகுதியை சேர்ந்த 23 வயது இளம்பெண் ஒருவர் சுல்தான்புரி பகுதியில் தனது ஸ்கூட்டியில் சென்றுக் கொண்டிருந்துள்ளார். அப்போது எதிர்பாராத விதமாக எதிரே வந்த காரில் மோதி விபத்து ஏற்பட்டுள்ளது. இதில் காருக்கு கீழே இளம்பெண் சிக்கிய நிலையில் காரை நிறுத்தாமல் 12கி.மீ தொலைவிற்கு ஓட்டி சென்றுள்ளனர்.

இதனால் காரின் கீழ் சிக்கி ரோட்டில் உராய்ந்தபடி இருந்ததால் அந்த பெண் பரிதாபமாக இறந்துள்ளார். ஆடைகள் கிழிந்து நிர்வாணமான நிலையில் சாலையில் கிடந்த அவர் உடலை மீட்டு பிரேத பரிசோதனைக்கு அனுப்பி போலீஸார் விசாரணையும் மேற்கொண்டு வருகின்றனர். இந்நிலையில் காரில் இளம்பெண் சிக்கி இழுத்து செல்லப்பட்ட சிசிடிவி வீடியோ வெளியாகி அதிர்ச்சியை ஏற்படுத்தியுள்ளது. குற்றவாளிகளுக்கு கடுமையான தண்டனை வழங்க வேண்டும் என சமூக வலைதளங்களில் பலரும் குரல் எழுப்பி வருகின்றனர்.

Edit By Prasanth.K