2.95 கோடியை தொட்ட மொத்த பாதிப்புகள் – இந்தியாவில் கொரோனா நிலவரம்

இந்தியா முழுவதும் கொரோனா இரண்டாம் அலை பாதிப்புகள் பரவியுள்ள நிலையில் மொத்த பாதிப்பு 2.95 கோடியை எட்டியுள்ளது.

கொரோனா பாதிப்புகள் காரணமாக இந்தியாவில் பல்வேறு மாநிலங்களில் ஊரடங்கு தீவிரப்படுத்தப்பட்டு வருகிறது. இந்நிலையில் தற்போது தினசரி பாதிப்புகள் மெல்ல குறைய தொடங்கியுள்ளது. முன்னதாக 2 லட்சத்திற்கும் அதிகமாக இருந்த பாதிப்புகள் தற்போது குறைய தொடங்கியுள்ளது. தற்போதைய நிலவரப்படி கடந்த 24 மணி நேரத்தில் 70,421 பேருக்கு கொரோனா உறுதியாகியுள்ள நிலையில் மொத்த பாதிப்புகள் 2,95,10,410 ஆக உயர்ந்துள்ளது.

ஒரே நாளில் 3,921 பேர் உயிரிழந்துள்ள நிலையில் மொத்த பலி எண்ணிக்கை  3,704,305 ஆக உயர்ந்துள்ளது. அதே சமயம் மொத்த குணமடைந்தவர்கள் எண்ணிக்கை 2,95,10,410 ஆக உயர்ந்துள்ளது. இந்நிலையில் 9,73,158 பேர் மருத்துவமனைகளில் சிகிச்சை பெற்று வருகின்றனர். இதுவரை இந்தியா முழுவதும் 25,48,49,301 பேருக்கு கொரோனா தடுப்பூசி போடப்பட்டுள்ளது.