காங்கிரஸ் கட்சியின் அடுத்த வேட்பாளர் பட்டியல் வெளியீடு

நாடாளுமன்ற தேர்தலை சந்திக்க வியூகம் அமைத்து வரும் காங்கிரஸ் கட்சி இம்முறை எப்படியும் ஆட்சியை பிடித்துவிட வேண்டும் என்ற குறிக்கோளுடன் பணியாற்றி வருகிறது. ஏற்கனவே ராகுல்காந்தி, சோனியா காந்தி போட்டியிடும் தொகுதிகள் உள்பட மொத்தம் ஐந்து வேட்பாளர்கள் பட்டியலை வெளியிட்டுள்ள காங்கிரஸ் கட்சி தற்போது ஆறாவது வேட்பாளர் பட்டியலை வெளியிட்டுள்ளது. இதில் ஒன்பது வேட்பாளர்களின் பெயர்கள் அறிவிக்கப்பட்டுள்ளது. அதன் விபரம் பின்வருமாறு

1. கேரளா - ஆழப்புழா - திருமதி ஷானிமோல் உஸ்மான்

2. கேரளா - அட்டிங்கல் - அடூர் பிரகாஷ்

3. மகாராஷ்டிரா - நந்தூர்பார் - கே.சி.பாடவி

4. மகாராஷ்டிரா - துலே - குணால் ரோஹிதாஸ் பட்டீல்

5. மகாராஷ்டிரா - வார்தா - சாருலதா கஜாசிங்

6. மகாராஷ்டிரா - யாவட்மால் வாசிம் - மாணிக்ராவ் தாக்கரே

7. மகாராஷ்டிரா - மும்பை தெற்கு - ஏக்நாத் கெய்க்வாட்

8. மகாராஷ்டிரா - சிரிதி - பெளசாஹிப் காம்ப்ளே

9. மகாராஷ்டிரா - ரத்னகிரி - நவின்சந்திரா பண்டிவடேகர்

மேலும் இன்று தமிழகம் மற்றும் புதுச்சேரி ஆகியவைகளில் உள்ள 10 தொகுதிகளுக்கும் வேட்பாளர் பட்டியலை ராகுல்காந்தி வெளியிடுவார் என அக்கட்சியின் தமிழக தலைவர் கே.எஸ்.அழகிரி தெரிவித்துள்ளார். இன்றுதான் பாஜகவும் தமிழகத்தில் உள்ள ஐந்து தொகுதிகளுக்கு வேட்பாளர்கள் பட்டியலை அறிவிக்கவுள்ளது என்பது குறிப்பிடத்தக்கது.