தமிழகத்தில் திமுக தலைமையிலான கூட்டணியில் காங்கிரஸ் கட்சியும் கம்யூனிஸ்ட் கட்சியும் உள்ளது. இரண்டு கட்சி தலைவர்களும் ஒருவரை ஒருவர் ஆதரித்து பிரச்சாரம் செய்து வருகின்றனர். ஆனால் அதே காங்கிரஸ் மற்றும் கம்யூனிஸ்ட் கட்சிகள் கேரளாவில் எதிரெதிர் கட்சியாக உள்ளது. குறிப்பாக ராகுல்காந்தி போட்டியிடும் வயநாடு தொகுதியில் அவரை தோற்கடிக்க கம்யூனிஸ்ட் தீவிரமாக உள்ளது
ராகுல்காந்திதான் அடுத்த பிரதமர் என்று முழக்கமிட்ட திமுக தலைவர் மு.க.ஸ்டாலின் கூட்டணியில் இருக்கும் கம்யூனிஸ்ட் கட்சி, ராகுல்காந்தியை வயநாடு தொகுதியில் தோற்கடிக்க வேலை செய்வது முரண்பாட்டின் உச்சமாக இருப்பதாக அரசியல் விமர்சர்கள் கருத்து கூறி வருகின்றனர்.
இந்த இரட்டை நிலைபாட்டால் தமிழகத்திலும் கேரளாவிலும் பிரச்சாரம் செய்யும் கம்யூனிஸ்ட் கட்சி தலைவர்களுக்கு பின்னடைவு ஏற்பட்டிருப்பதாக கூறப்படுகிறது. தேசிய கட்சிகளில் ஒன்றாக இருக்கும் கம்யூனிஸ்ட் கட்சி நாடு முழுவதும் ஒரேவித நிலையை கையாண்டால்தான் அந்த கட்சி மக்களின் நம்பகத்தன்மையை பெற முடியும் என்பதே அனைவரின் கருத்தாக உள்ளது