பெட்ரோல் டீசல் விலை நாளுக்கு நாள் அதிகரித்துக் கொண்டே வந்த நிலையில் பொதுமக்கள் மிகுந்த அவர் அவதியில் இருந்தனர். இந்த நிலையில் சமீபத்தில் தேர்தல் அறிவிக்கப்பட்ட நாளிலிருந்து பெட்ரோல் டீசல் விலை உயரவில்லை என்பது குறிப்பிடத்தக்கது
இந்த நிலையில் பெட்ரோல் மற்றும் டீசல் விலையை குறைக்க மத்திய நிதியமைச்சகம் ஆலோசனை செய்து வருவதாக தகவல்கள் வெளிவந்துள்ளன. இதுகுறித்து மத்திய நிதி அமைச்சக அதிகாரிகள் கூறியபோது பெட்ரோல் டீசல் உள்பட எரிபொருள் மீதான வரியை எந்த அளவுக்கு குறைக்க முடியும் என அரசு ஆலோசித்து வருவதாகவும் இது குறித்து விரைவில் முடிவு எடுக்கப்படும் என்றும் கூறப்படுகிறது
ஏற்கனவே ஒரு சில மாநிலங்கள் வாட் வரியை குறைத்து உள்ளதால் அந்த மாநிலங்களில் மட்டும் பெட்ரோல் டீசல் விலை குறைந்துள்ளது. இந்த நிலையில் மத்திய அரசு எரிபொருள் மீதான வரியை பெருமளவு குறைத்தால் நாடு முழுவதும் பெட்ரோல் டீசல் விலை பெருமளவு குறையும் என்று கூறப்படுகிறது
தமிழகம் உள்பட 5 மாநில தேர்தலை கணக்கில் கொண்டு பெட்ரோல் டீசல் விலையை குறைக்க மத்திய அரசு முடிவு செய்துள்ளதாக கூறப்படுகிறது