முப்பைடை தளபதி பிபின் ராவத் உடல் இன்று இறுதிச்சடங்கு: முழு ராணுவ மரியாதை!

ஹெலிகாப்டர் விபத்தில் மறைந்த முப்பைடை தளபதி பிபின் ராவத் உடல் இன்று முழு ராணுவ மரியாதையுடன் இறுதிச்சடங்கு செய்ய உள்ளதாக தகவல்கள் வெளியாகியுள்ளன. 

முப்படை தலைமை தளபதி பிபின் ராவத் உள்பட 13 பேர் சமீபத்தில் நடந்த ஹெலிகாப்டர் விபத்தில் மரணம் அடைந்தனர். இந்த மரணம் குறித்து ராணுவம் குழு அமைத்து விசாரணை செய்து வருகிறது

இந்த நிலையில் பிபின் ராவத் உட்பட பதின்மூன்று பேர்களின் உடல் நேற்று சூலூர் கொண்டு வரப்பட்டு அங்கிருந்து விமானம் மூலம் டெல்லி கொண்டு வரப்பட்டது

இந்த நிலையில் இன்று மாலை முழு ராணுவ மரியாதையுடன் அவரது உடல் இறுதி சடங்கு நடைபெறுகிறது என்றும் இதில் உயர் ராணுவ அதிகாரிகள் மற்றும் பிரமுகர்கள் கலந்து கொள்வார்கள் என்றும் கூறப்படுகிறது

இந்த நிலையில் உதகை குன்னூர் சுற்றுவட்டாரத்தில் பிபின் ராவத் மறைவுக்கு அஞ்சலி செலுத்தும் வகையில் இன்று கடைகளை அடைக்க முடிவு செய்யப்பட்டு உள்ளதாகவும் செய்திகள் வெளியாகியுள்ளது.