78 ஆயிரம் சதுர கி.மீ இந்தியாவை பாக். ஆக்கிரமிப்பு

FILE

ஜம்மு காஷ்மீரில் 78,000 சதுர கிலோ மீட்டர் நிலப்பரப்புகளை பாகிஸ்தான் சட்டவிரோதமாக ஆக்கிரமித்துள்ளதாக அரசு அறிக்கை தெரிவித்துள்ளது.

மக்களவையில் இன்று எல்லை பாதுகாப்பு மற்றும் பிற நாடுகளின் ஊடுருவல் குறித்து பேசுகையில், பதிலளித்த உள்துறை இணை அமைச்சர் முல்லப்பள்ளி ராமச்சந்திரன்,

1963-ம் ஆண்டு, சீனா-பாகிஸ்தான் எல்லை ஒப்பந்தத்தின் படி, இந்திய பகுதியில் பாகிஸ்தான் ஆக்கிரமித்திருந்த 5180 சதுர கிலோ மீட்டர் பகுதியை சீனாவுக்கு பாகிஸ்தான் கொடுத்துவிட்டது என்று தெரிவித்தார். இந்தோ-வங்கதேசம், இந்தோ-சீனா, இந்தோ-நேபாளம், இந்தோ-பூட்டான் மற்றம் இந்தோ-மியான்மர் போன்ற எல்லைகள் வழியாக எந்த நாடுகளும் அத்துமீறவில்லை என்று தெரிவித்தார்.

மேலும் இந்தியாவின் பாதுகாப்பு மற்றும் பிராந்திய ஒருமைப்பாட்டை திறம்பட பாதுகாக்க தேவையான நடவடிக்கை எடுப்பதில் இந்தியா விழிப்புடன் உள்ளது என்றும் ராமச்சந்திரன் கூறினார்