பாஜக பிரதமர் வேட்பாளர் நரேந்திர மோடி போட்டியிட்ட இரண்டு தொகுதிகளிலும் முன்னிலையில் உள்ளார்.
வாரணாசி, வதோதராவில் நரேந்திர மோடி முன்னணியில் இருக்கிறார். பாஜக பிரதமர் வேட்பாளர் நரேந்திர மோடி தனது சொந்த மாநிலமான குஜராத்தின் வதோதராவிலும், உ.பி. மாநிலம் வாரணாசியிலும் போட்டியிட்டார்.
இன்று காலை ஓட்டு எண்ணிக்கை தொடங்கியது. இதில் தொடக்கம் முதலே நரேந்திர மோடி 2 தொகுதியிலும் அதிக வாக்குகள் வித்தியாசத்தில் முன்னணியில் இருக்கிறார்.
வதோதராவில் முதல் ரவுண்டு வாக்கு எண்ணிக்கை முடிவில் நரேந்திர மோடி காங்கிரஸ் வேட்பாளரை விட 170000 வாக்குகள் அதிகம் பெற்று முன்னணியில் இருந்தார்.
லக்னோ தொகுதியில் போட்டியிட்ட பா.ஜனதா தலைவர் ராஜ்நாத்சிங் முன்னணியில் இருக்கிறார்.
பாஜக மூத்த தலைவர் அத்வானி குஜராத் மாநிலம் காந்தி நகர் தொகுதியில் முன்னணியில் இருக்கிறார்.
பாஜக தலைவர்களில் ஒருவரான சுஷ்மா சுவராஜ் மத்திய பிரதேச மாநிலம் விதிஷா தொகுதியில் போட்டியிட்டார். முதல் சுற்று வாக்கு எண்ணிக்கையில் அவர் காங்கிரஸ் வேட்பாளர் லட்சுமண் சிங்கைவிட 3,552 வாக்குகள் வித்தியாசத்தில் முன்னணியில் இருக்கிறார்.