ஆரம்பத்தில் சரிந்த பங்குச்சந்தை வர்த்தக முடிவில் உச்சம்.. குஷியில் முதலீடு செய்தவர்கள்..!

இன்றைய பங்குச் சந்தையில் சென்செக்ஸ் மற்றும் நிஃப்டி குறியீடுகள் சுமார் 1.5% வரை உயர்ந்தன. சென்செக்ஸ் 1,200 புள்ளிகள் கூடுதல் பெற்று 82,530.74 ஆக வளர்ந்தது. அதேபோல், நிஃப்டி-50 குறியீடும் 394.20 புள்ளிகள் உயர்ந்து 25,062.10 ஆக மூடப்பட்டது.

அமெரிக்காவின் முன்னாள் அதிபர் டொனால்ட் டிரம்ப், இந்தியா மற்றும் அமெரிக்கா இடையே பூஜ்ஜிய வரி வர்த்தக ஒப்பந்தம் எதுவும் இல்லாமல் இருப்பதாக கூறிய பின்னர், இந்திய பங்குச்சந்தை ஏழு மாதங்களில் இல்லாத அளவிற்கு வேகமாக உயர்ந்தது. 

டிரம்பின் கருத்துக்களுக்கு முன், சந்தை சீராக இருந்த நிலையில் அவரது கருத்துக்கு பின் நிஃப்டி 1.75% உயர்ந்து 25,098 புள்ளிகளை கடந்தது. சென்செக்ஸ் 1.67% அதிகரித்து 82,696.53 புள்ளிகளை பதிவு செய்தது.

அக்டோபர் 17, 2024க்குப் பிறகு நிஃப்டி முதன்முறையாக 25,000 புள்ளிகளை கடந்துள்ளது என வர்த்தகர்கள் தெரிவித்துள்ளனர்.

இன்றைய வர்த்தகம் ஆரம்பத்தில், உலக சந்தைகளில் கலக்கமான சூழ்நிலையால் மெதுவாக துவங்கி, பின்னர் ஏற்றமும் இறக்கமும் காணப்பட்டது. மத்திய நேரத்தில் நிஃப்டி மீண்டும் உச்சத்திற்கு சென்று 25,000 புள்ளிகளை எட்டியது.

இந்த வளர்ச்சி இந்தியாவின் பொருளாதார நிலைமையை உறுதிப்படுத்தும் வகையில் உள்ளது.

Edited by Mahendran