மெட்டாவுக்குச் சொந்தமான வாட்ஸ் அப் இயங்குதளத்திற்கான சில சமீபத்திய அம்சங்களைப் பற்றி பெரிய அறிவிப்பு வெளியாகியுள்ளது.
ஆம், வாட்ஸ்அப் கம்யுனிடிஸ் அம்சத்தை ( Community Feature) வெளியிட்டுள்ளதாக மெட்டா தலைமை நிர்வாகி அறிவித்தார். மெட்டாவின் நிறுவனர் மற்றும் தலைமை நிர்வாக அதிகாரி மார்க் ஜுக்கர்பெர்க், வாட்ஸ் அப்பில் கம்யுனிடிஸ் உலகளாவிய வெளியீட்டை அறிவித்தார்.
இது துணைக்குழுக்கள், பல நூல்கள், அறிவிப்பு சேனல்கள் மற்றும் பலவற்றை இயக்குவதன் மூலம் குழுக்களை மேம்படுத்துகிறது. நாங்கள் கருத்துக் கணிப்புகள் மற்றும் 32 நபர்களுக்கான வீடியோ அழைப்பையும் வெளியிடுகிறோம். அனைத்தும் என்ட்-டு-எண்ட் என்க்ரிப்ஷன் மூலம் பாதுகாக்கப்படுகின்றன, எனவே உங்கள் செய்திகள் தனிப்பட்டதாக இருக்கும் என்று ஜுக்கர்பெர்க் தெரிவித்தார்.
கம்யுனிடிஸ் அம்சம் தவிர இன்-சாட் போலிங் மற்றும் 32 நபர்களுடன் வீடியோ காலிங் வசதி, க்ரூப் பயனர்கள் எண்ணிக்கை 1024 உள்ளிட்ட வசதிகள் சேர்க்கப்பட்டுள்ளன. அதுமட்டுமின்றி, வாட்ஸ்அப் பெரிய கோப்பு பகிர்வு, ஈமோஜி எதிர்வினைகள் மற்றும் நிர்வாகி நீக்கும் அம்சத்தையும் உருவாக்கியுள்ளது, இது சமூகங்களுக்கு மிகவும் உதவியாக இருக்கும்.
15 நாடுகளில் 50 க்கும் மேற்பட்ட நிறுவனங்களுடன் இணைந்து அவர்களின் தேவைகளைப் பூர்த்தி செய்ய கம்யுனிடிஸ் உருவாக்கி வருவதாகவும், இதுவரை கிடைத்த கருத்துக்கள் ஊக்கமளிப்பதாக இருப்பதாகவும் நிறுவனம் மேலும் கூறியது. சமீபத்தில், வாட்ஸ்அப் - 2 பில்லியன் பயனர்களைக் கொண்டுள்ளது, அதில் பெரும்பான்மையானவர்கள் இந்தியாவைச் சேர்ந்தவர்கள் என்பது குறிப்பிடத்தக்கது.