செல்ஃபோன் உதவியுடன் சமைக்கும் ஸ்மார்ட் குக்கர்
, புதன், 8 ஜனவரி 2014 (17:35 IST)
ஆன்ட்ராய்டு செல்போனின் உதவியுடன் சமையல் செய்யக்கூடிய ஸ்மார்ட் குக்கரை பெல்கின் நிறுவனம் அறிமுகப்படுத்தியுள்ளனர்.
புத்திசாலி குக்கர் இருக்கும்போது பழைய குக்கர்கள் எதற்கு? உலகின் பிரம்மாண்டமான நுகர்வோர் எலெக்ட்ரானிக் கண்காட்சி அமெரிக்காவின் லாஸ் வேகாஸில் நகரில் இன்று தொடங்கியது. அதில் பெல்கின் எனப்படும் அமெரிக்க நுகர்வோர் எலெக்ட்ரானிக் பொருட்கள் தயாரிக்கும் நிறுவனம் செல்போனின் உதவியுடன் சமைக்கும் குக்கரை அறிமுகப்படுத்தியுள்ளது. இதன் பெயர் வெமோ ஸ்லோ குக்கர். இந்த குக்கர் செல்ஃபோனின் இணைய உதவியுடன் கட்டுப்படுத்தப்படும் வெமோ(WeMo) தொழில்நுட்பத்தில் இயங்குகிறது. இக்குக்கர் வீடுகளை ஸ்மார்ட் ஹோமாக மாற்றும் என்று அந்நிறுவனம் கூறியுள்ளது.