நமது இந்திய கிரிக்கெட் அணியின் ஒரே சுவர் ராகுல் டிராவிட் மட்டும் தான் என புகழ்ந்து தள்ளியுள்ளார், ராஜஸ்தான் அணியின் இளம் வீரரான ரகானே.
ராஜஸ்தான் அணியின் முன்னணி வீரர்களில் ஒருவராக உருவெடுத்திருப்பவர் இளம் வீரரான ரகானே. இவரின் செயல்பாடு மற்றும் ஆட்டத்திறன் அனைவரும் பாராட்டும் வகையில் சிறப்பாகவே உள்ளது. தற்போது ஐபிஎல் போட்டியில் ராஜஸ்தான் அணிக்காக விளையாடி பட்டையை கிளப்பி வருகிறார்.
இந்நிலையில் இந்திய அணியின் முன்னாள் வீரரான டிராவிட், இளம் வீரர் ரகானேவை நிகழ்ச்சி ஒன்றில் பாராட்டியுள்ளார். மேலும் இந்திய டெஸ்ட் அணியின் வெற்றிகரமான பேட்ஸ்மேனாக ரகானே உருவெடுத்துள்ளார் என்றார்.
இதுகுறித்து ரகானே கூறுகையில், டிராவிட்டிடம் கிடைத்த இந்த பாராட்டு என்னுடைய பயிற்சிகளுக்கு பக்கபலமாய் அமையும். எனினும் இந்திய கிரிக்கெடின் ஒரே சுவர் டிராவிட் மட்டுமே என்றார்.