ஐபிஎல் கிரிக்கெட் தொடரில் நேற்று நடைபெற்ற பஞ்சாப் மற்றும் கொல்கத்தா அணிகளுக்கு இடையிலான போட்டியில் 150 என்ற இலக்கை நோக்கி விளையாடிய பஞ்சாப் அணி அதிரடியாக வெற்றி பெற்றது என்பதை ஏற்கனவே பார்த்தோம்
இந்த போட்டியில் மந்தீப் சிங் மிக அபாரமாக விளையாடி 56 பந்துகளில் 66 ரன்கள் எடுத்தார் என்பதும் அவற்றில் 8 பவுண்டரிகள் 2 சிக்சர்கள் அடங்கும் என்பது குறிப்பிடத்தக்கது. இந்த நிலையில் கடந்த இரண்டு நாட்களுக்கு முன்னர் தான் மந்தீப் சிங் தந்தை திடீரென எதிர்பாராத நிலையில் காலமானார். இருப்பினும் தந்தை இறந்த இரண்டு தினங்களில் மீண்டும் அணிக்கு திரும்பிய மந்தீப் சிங் சிறப்பான ஆட்டத்தை வெளிப்படுத்தி நேற்று அடுத்த அரை சதத்தை தந்தைக்கு அர்ப்பணித்தார்
இதுகுறித்து விராத் கோலி கூறியபோது ’தந்தை இறந்து இரு தினங்களே ஆன நிலையிலும் நேற்று பஞ்சாப் அணிக்காக மந்தீப் சிங் சிறப்பான ஆட்டத்தை வெளிப்படுத்தினார். இதற்கு அவரது தந்தை மேல் இருந்து அவருக்கு ஆசீர்வாதம் செய்வார் என்று விராட் கோலி பாராட்டியுள்ளார்
விராட் கோலியிடம் இருந்து பெற்ற பாராட்டு காரணமாக மந்தீப் சிங் நெகழ்ச்சியில் இருப்பதாக கூறப்படுகிறது