பாவ் பாஜி

வட இந்தியாவில் மிக பிரபலமான இந்த உணவு வகை காய்கறிகளின் சத்து நிறைந்தது. பிள்ளைகளும் விரும்பி சாப்பிடுவர்.

தேவையானவை

கேரட் - 1 ,உருளை கிழங்கு - 1 , பீன்ஸ்,பட்டாணி - சிறிது, வெங்காயம் - 2 , தக்காளி - 2 ,எலுமிச்சை சாறு - சிறிது ,பச்சை மிளகாய் (நறுக்கியது) - 2 ,இஞ்சி பூண்டு விழுது - 1 /2 ஸ்பூன் , மஞ்சள் தூள் - 1 /4 ஸ்பூன்,மிளகாய் தூள் - 1 /4 ஸ்பூன், உப்பு, எண்ணெய் - தேவைக்கேற்ப,வறுத்த பாவ் ப்ரெட் - 6

செய்முறை

காய்கறிகளை வேகவைத்து நன்றாக மசித்துகொள்ளவும்.

கடையில் எண்ணெய் ஊற்றி பச்சை மிளகாய்,வெங்காயம் சேர்த்து வதக்கவும், இதனோடு இஞ்சி பூண்டு விழுது , மிளகாய் தூள்,மஞ்சள் தூள்,உப்பு மற்றும் தக்காளி சேர்க்கவும்.

இதோடு காய்கறி கலவையை சேர்த்து 15 நிமிடங்கள் சமைக்கவும் .இந்த கலவை கெட்டிப்பட்டதும் எலுமிச்சை சாறு சேர்த்து இறக்கவும்.

வறுத்த பாவ் ப்ரெட் துண்டுகளுக்கு இடையே இந்த கலவையை வைத்து சுவைக்கவும்.