ஹாலிவுட்டின் வெற்றிகரமான சீரிஸ்களில் ஒன்று ட்ரான்ஸ்ஃபார்மர்ஸ்.
ட்ரான்ஸ்ஃபார்மர்ஸின் நான்கு பாகங்கள் இதுவரை வெளிவந்துள்ளன. ஐந்தாவது பாகம் வரும் ஜுன் 6 -ஆம் தேதி தொடங்குகிறது. இதன் பெயரை பாராமவுண்ட் பிக்சர்ஸ் அதிகாரப்பூர்வமாக அறிவித்துள்ளது.
ட்ரான்ஸ்ஃபார்மர்ஸ் சீரிஸின் ஐந்தாவது பாகத்துக்கு, ட்ரான்ஸ்ஃபார்மர்ஸ் - த லாஸ்ட் நைட் (Transformers: The Last Knight) என பெயர் வைத்துள்ளனர்.
ட்ரான்ஸ்ஃபார்மர்ஸ் சீரிஸின் இயக்குனர் மைக்கேல் பே இந்த ஐந்தாவது பாகத்தை இயக்குகிறார். ஜுன் 6 -ஆம் தேதி படப்பிடிப்பு தொடங்குகிறது. படத்தை தொடங்கும் முன்பே படவெளியீட்டு தேதியை அறிவிப்பது ஹாலிவுட் ஸ்டைல்.
ட்ரான்ஸ்ஃபார்மர்ஸின் இந்த ஐந்தாவது பாகம் 2017 ஜுன் 23 -ஆம் தேதி வெளியாகிறது.