அதிகம் டூப் பயன்படுத்தமால் ஆபத்தான சண்டைக் காட்சிகளில் நடிக்கும் ஹாலிவுட் நடிகர்களில் முக்கியமானவர், டாம் க்ரூஸ். விதவிதமான சண்டைக் காட்சிகளுக்காகவே இவரது மிஷன் இம்பாஸிபிள் சீரிஸில் உலகம் முழுவதும் விரும்பிப் பார்க்கப்படுகிறது.
கடைசியாக வெளிவந்த, மிஷன் இம்பாஸிபிள் - கோஸ்ட் புரோட்டகால் நான்காவது பாகம். இதில் சில காட்சிகள் இந்தியாவில் எடுக்கப்பட்டது. அனில் கபூர் ஒரு சின்ன வேடத்தில் நடித்திருந்தார். விரைவில் ஐந்தாவது பாகம் வெளியாக உள்ளது.
ஐந்தாவது பாகத்தின் பெயர், மிஷன் இம்பாஸிபிள் - ரோக் நேஷன். இந்தப் படத்திலும் ரிஸ்க்கான சண்டைக் காட்சிகளில் டூப் போடாமல் டாம் க்ரூஸ் நடித்துள்ளார். முக்கியமாக அண்டர் வாட்டர் பைட் சீக்வென்ஸ் படத்தில் உள்ளது. படத்தின் முக்கிய அம்சங்களில் ஒன்றாக இது இருக்கும் என டாம் க்ரூஸ் கூறியுள்ளார்.
