நடிகர் சிவகார்த்திகேயன் தனது சொந்த செலவில் தஞ்சாவூரைச் சேர்ந்த மாணவி சஹானாவுக்கு நீட் தேர்வில் பயிற்சியில் படிக்க வைத்தார். இந்நிலையில் அவருக்கு மருத்துவக் கல்லூரியில் இடம் கிடைத்துள்ளது.
கடந்தாண்டு பனிரெண்டாம் வகுப்பில் அதிக மதிப்பெண்கள் பெற்றிருந்த நிலையிலும் அவரது வீட்டில் அவரை மேற்படிப்பு படிக்க வைக்க முடியாத சூழ்நிலை இருந்தது.
இதையறிந்த நடிகர் சிவகார்த்திகேயன்,
மாணவி சஹானாவுக்கு நீட் பயிற்சிக்கான மொத்த செலவையும் நடிகர் சிவகார்த்திகேயன் ஏற்றிருந்தார்.
இந்நிலையில் சஹானாவுக்கு திருச்சி அரசு மருத்துவக் கல்லூரியில் இடம் கிடைத்துள்ளது.
மாணவி சஹானாவுக்குப் பலரும் வாழ்த்துகள் தெரிவித்து வருகின்றனர்.
இந்நிலையில் மாணவி சஹானா நடிகர் சிவகார்த்திகேயனால் தனது மருத்துவக் கனவு நனவானதாகத் தெரிவித்துள்ளார்.
இதுகுறித்து அவர் கூறியுள்ளதாவது :
தமிழகத்தில் நிறைவேற்றப்பட்ட உள் ஒதுக்கீட்டில் எனக்கு இடம் கிடைத்து மருத்துவப் படிப்பில் சேர்ந்து படிப்பது மகிழ்ச்சியாக உள்ளது.
நடிகர் சிவகார்த்தியன் உதவியால் நீட் தேர்வில் வெற்றி பெற்று தற்போது உள் ஒதுக்கீட்டில் இடம் கிடைத்துள்ளதாக நெகிழ்சியுடன் தெரிவித்துள்ளார்.
நடிகர் சிவகார்த்திகேயன் தற்போது டாக்டர் படத்தில் நடித்துவருகிறார் என்பது குறிப்பிடத்தக்கது.