ரோலண்ட் எம்மரிச் இயக்கத்தில் 1996 ஜுலையில் இன்டிபென்டன்ஸ் டே வெளியானது. வில் ஸ்மித் நடித்த இந்தப் படம் உலகம் முழுவதும் உலக ஓட்டம் ஓடியது. இன்டிபென்டன்ஸ் டே வில் ஸ்மித்தை உலகம் முழுவதும் பிரபலப்படுத்தியது.
இந்த ப்ளாக் பஸ்டர் படத்தில் இரண்டாம் பாகத்தை டுவென்டியத் செஞ்சுரி ஃபாக்ஸ் தயாரிக்கிறது. இரண்டாவது பாகத்தையும் ரோலண்ட் எம்மரிச்சே இயக்குகிறார்.
அடுத்த வருடம் ஜுன் 24 -ஆம் தேதி படம் வெளியாகிறது. ஏறக்குறைய இருபது வருடங்கள். இரண்டாவது பாகத்தில் நாயகனாக நடிப்பது, Jessie Usher. கதைப்படி இவர் வில் ஸ்மித்தின் மகனாக வருகிறார்.
இன்டிபென்டன்ஸ் டே போன்ற ஒரு ப்ளாக் பஸ்டர் படத்தின் இரண்டாம் பாகத்தை இருபது வருடங்களாக ஹாலிவுட் எப்படி விட்டு வைத்தது? ஆச்சரியம்தான்.