லிப் கிளாஸ் போட்டால் பளபளப்பாக இருக்கும். அதே நேரத்தில் மிகக் குறைந்த அளவில் நிறத்தை தரக் கூடியது. லேசான நிறம் பெற சிறந்தது. ஆனால் அதிக நேரம் நீடிக்காது.
லிப் பென்ஸிலால் உதடுகளின் வடிவத்தை முதலில் வரைந்துவிட்டு வேண்டுமானால் உதடு முழுவதும் பென்சிலைக் கொண்டே நிறத்தை பூசிவிட்டு லிப் கிளாஸ் தடவினால், நீண்ட நேரம் நீடிக்கும்.
மெட்டாலிக் (ஷிம்மர்) தடவினால் லேசான நிறத்தைத் தரும். வெளிச்சத்தில் மின்னும் தன்மை கொண்டது. இரவு விருந்துகளுக்கு ஏற்றது. அதிக அளவில் நிறத்தை விரும்பினால், லிப்ஸ்டிக்கை உதடுகளில் பூசிய பின்னர் இதைத் தடவலாம்.
க்ரீம்மில் அதிக அளவில் கன்டிஷனரும், மாய்ட்சுரைஸரும் உள்ளன. உதடுகளுக்கு மென்மையான தோற்றத்தைத் தரக் கூடியது, அதே நேரத்தில் அதிக அளவில் நிறமும் பெறலாம்.