பேட்டரி சொகுசு கார்: 600 குதிரைகளின் திறன், லூசிட் மோட்டார்ஸ்!!

லூசிட் மோட்டார்ஸ் நிறுவனம், பேட்டரியில் இயங்கக்கூடிய அதிநவீன சொகுசு காரை அறிமுகம் செய்துள்ளது.

செடான் ரகத்தைச் சேர்ந்த இந்த காரின் விலை ஒரு லட்சம் அமெரிக்க டாலர்களாகும். லாஸ் ஏஞ்சலீஸ் நகரில் நடைபெற்ற வாகன கண்காட்சியில் இதனை லூசிட் நிறுவனம் அறிமுகம் செய்துள்ளது.

100 கிலோ வாட் திறன் கொண்ட பேட்டரி இதில் பொருத்தப்பட்டுள்ளது. 130 கிலோ வாட் பேட்டரியும் பொருத்த, திட்டமிட்டுள்ளதாக லூசிட் கூறியுள்ளது. 

ஒருமுறை சார்ஜ் செய்வதன் மூலமாக, 400 மைல் பயணிக்கலாம் எனவும் தெரிவிக்கப்பட்டுள்ளது. 600 முதல் 1000 குதிரைத்திறன் கொண்டதாக இந்த கார் இருக்கும். 

2.5 நொடிகளில் மணிக்கு 60 கிலோமீட்டர் என்ற வேகத்தை எட்டக்கூடிய சிறப்பம்சம் கொண்ட உலகின் முதல் பேட்டரி கார் இது எனவும் லூசிட் மோட்டார்ஸ் குறிப்பிட்டுள்ளது.

இந்த காருக்கான பேட்டரியை சாம்சங் நிறுவனம் தயாரிக்கிறது என்பது குறிப்பிடத்தக்கது.