உலகக்கோப்பை கால்பந்து: டிராவில் முடிந்த போர்ச்சுகல் - ஸ்பெயின் போட்டி

ரஷ்யாவில் நடக்கும் உலகக்கோப்பை கால்பந்து தொடரின் இன்றைய போட்டியில் போர்ச்சுகல், ஸ்பெயின் அணிகள் மோதின. இந்த போட்டி 3-3 என்ற கணக்கில் டிராவில் முடிந்தது.

உலகக்கோப்பை கால்பந்து போட்டி நேற்று முன்தினம் பிரமாண்டமாக ஆரம்பித்து நடைபெற்று வருகிறது. இதில் போட்டியின் மூன்றாவது ஆட்டத்தில் பலம் வாய்ந்த போர்ச்சுகல்- ஸ்பெயின் அணிகள் மோதின.

இந்த போட்டியின் முதல் பாதிநேர ஆட்டத்தின் 3-வது நிமிடத்தில் போர்ச்சுகல் அணியின் நட்சத்திர வீரர் ரொனால்டோ கோல் அடித்து அசத்தினார். பின்னர் 24-வது நிமிடத்தில் ஸ்பெயின் அணியின் கோஸ்டா கோல் அடித்தார். இதனால் ஆட்டம் 1-1 என சமமானது. இதனையடுத்து ரொனால்டோ மீண்டும் ஒரு கோல் அடித்து அசத்தினார். இதனால் ஆட்டம் 2-1 என்ற நிலையில் முதல் பாதி முடிந்தது.

இதைத்தொடந்து போட்டியின் இரண்டாவது பாதியின் 55-வது நிமிடத்தில் ஸ்பெயின் அணியின் கோஸ்டா மீண்டும் கோல் அடித்தார். இதனால் ஆட்டம் மீண்டும் 2-2 என சமமானது. பின்னர் 58-வது நிமிடத்தில் ஸ்பெயின் அணிக்காக நாச்சோ  கோல் அடித்தார். இதனால் ஸ்பெயின் அணி 3-2 என முன்னிலை பெற்றது. பின்னர் போட்டியின் கடைசி நேரத்தில் ரொனால்டோ ஹாட்ரிக் கோல் அடித்தார் . இதனால் ஆட்டம் 3-3 என்ற கணக்கில் சமமானது.