சென்னைப் பல்கலைக்கழகத்தில் 6 சான்றிதழ் படிப்புகள் அறிமுகம்

சென்னைப் பல்கலைக்கழகத்தில் அடுத்த மாதம் முதல் புதிதாக 6 சான்றிதழ் படிப்புகள் துவங்கப்பட உள்ளதாக பல்கலைக்கழக துணைவேந்தர் ராமச்சந்திரன் தெரிவித்துள்ளார்.

இதுதொடர்பாக, பல்கலைக்கழக ஆட்சிக்குழுக் கூட்டத்தில் எடுக்கப்பட்ட முடிவுகள் பற்றி செய்தியாளர்களிடம் பேசிய துணைவேந்தர் ராமச்சந்திரன், ப்ளாகிங் ஆன் இன்டர்நெட் ( Blogging on Internet), டிவி நியூஸ் ரீடிங் அண்டு காம்பயரிங் ( TV News Reading and compiring), வெப் டிசைனிங் ( Web Designing), ப்ரைமரி எஜுகேஷன் ( Primary Educatio n), என்.ஜி.ஓ. மேனேஜ்மென்ட் ( NGO Management) ஆகிய சான்றிதழ் படிப்புகள் அடுத்த மாதம் துவங்க உள்ளதாக கூறினார்.

இதேபோல் புதிதாக அறிமுகப்படுத்தப்படும் 6 மாத கால பட்டயப்படிப்பான டிராவல் அண்டு டூரிசம் ( Diploma in Travel and Tourism) படிப்புக்கு ரூ.7,500 கட்டணமாக வசூலிக்க பல்கலைக்கழக ஆட்சிக்குழுக் கூட்டத்தில் முடிவு செய்யப்பட்டதாகவும் ராமச்சந்திரன் தெரிவித்தார்.