பொல்லார்ட் இடத்தில் யார்?... இரு வீரர்களைக் குறிவைக்கும் மும்பை இந்தியன்ஸ்!

கைரன் பொல்லார்ட்க்கு பதிலாக மும்பை இந்தியன்ஸ் அணி ஏலத்தில் எடுக்கப் போகிறது என்ற கேள்வி எழுந்துள்ளது.

மும்பை இந்தியன்ஸ் அணியின் நட்சத்திர அதிரடி ஆட்டக்காரர் கைரன் பொல்லார்டு. அந்த அணி 5 முறை ஐபிஎல் கோப்பையை வெல்ல முக்கியக் காரணமாக இருந்தவர். பலமுறை இக்கட்டான நிலைமையில் இறங்கி அணியை வெற்றிப் பெற செய்துள்ளார். அந்த அணிக்காக 12 ஆண்டுகளாக அவர் விளையாடி வருகிறார்.

கடந்த ஆண்டு மெஹா ஏலத்தில் இவரை தக்க வைத்தது மும்பை இந்தியன்ஸ் அணி. ஆனால் இவர் முன்பு போல சிறப்பாக விளையாடவில்லை. அதனால் அணியும் அரையிறுதிக்கு தகுதி பெறவில்லை. அதனால் இந்த ஆண்டு அவர் ஓய்வை அறிவித்து மும்பை இந்தியன்ஸ் அணி பேட்டிங் பயிற்சியாளராக இணைந்துள்ளார்.

இந்நிலையில் 12 ஆண்டுகளாக விளையாடிய பொல்லார்டின் இடத்தை நிரப்பப் போவது யார் என்ற கேள்வி ரசிகர்கள் மத்தியில் எழுந்துள்ளது. இந்நிலையில் பொல்லார்ட்க்கு இணையான ஆல்ரவுண்டர்களாக இப்போது இருப்பவர்கள் பென் ஸ்டோக்ஸ் மற்றும் சாம் கர்ரன் ஆகியோர் உள்ளனர். இவர்கள் இருவரில் ஒருவரை மும்பை இந்தியன்ஸ் அணி ஏலத்தில் எடுக்க முயற்சி செய்யும் என சொல்லப்படுகிறது.