அமெரிக்காவில் கிரிக்கெட்டை பிரபலப்படுத்தும் நோக்கில் டி 20 லீக் போட்டிகள் 2022 ஆம் ஆண்டு முதல் நடத்தப்பட உள்ளன.
மேஜர் லீக் கிரிக்கெட் (எம்.எல்.சி.) என்ற டி 20 கிரிக்கெட் தொடரை அமெரிக்காவில் 2022 ஆம் ஆண்டு முதல் நடத்த உள்ளது. இந்த தொடரில் ஷாருக் கான் மற்றும் நடிகை ஜூகி சாவ்லா ஆகியோர் உரிமையாளர்களாக இருக்கும் நைட் ரைடர்ஸ் நிறுவனம் முதலீடு செய்ய உள்ளது. மேலும் கலந்துகொள்ளும் 6 அணிகளில் ஒன்றான லாஸ் ஏஞ்சல்ஸ் அணியை வாங்கவும் முடிவு செய்துள்ளது. ஏற்கனவே ஐபிஎல் தொடரில் கொல்கத்தா நைட் ரைடர்ஸ், கரிபியன் லீக்கில் டிரின்பாகோ நைட் ரைடர்ஸ் ஆகிய அணிகளை நைட் ரைடர்ஸ் நிறுவனம் நிர்வகித்து வருவது குறிப்பிடத்தக்கது.