ஆஸ்திரேலியாவுக்கு எதிராக கோலி தொடர்ந்து அடித்த நான்கு சதங்கள் அசாத்தியமானவை, சச்சின் கூட இதை செய்ததில்லை என்று கங்குலி புகழாரம் சூட்டியுள்ளார்.
ஆஸ்திரேலியாவுக்கு எதிரான முதல் டெஸ்ட் போட்டியில் இந்திய அணி படுதோல்வி அடைந்தது. தொடர்ந்து அனைத்து போட்டிகளிலும் கலக்கிய இந்திய கேப்டன் முதல் இன்னிங்ஸில் டக் அவுட் ஆனார். இரண்டாவது இன்னிங்ஸில் சொற்ப ரன்களில் ஆட்டமிழந்தார். நாளை இரண்டாவது டெஸ்ட் போட்டி தொடங்கவுள்ளது.
இந்நிலையி இந்திய அணியின் முன்னாள் கேப்டன் கங்குலி, கோலியை பாராட்டியுள்ளார். இதுகுறித்து அவர் கூறியதாவது:-
கோலியும் ஒரு மனிதர் தான். அவருக்கும் என்றாவது தோல்வி ஏற்படும். அவர் புனேவில் நடந்த முதல் டெஸ்டின் இரண்டு இன்னிங்ஸிலும் சொற்ப ரன்களில் ஆட்டமிழந்தார். ஆனால் இதற்கு முன் அவர் ஆஸ்திரேலியாவுக்கு எதிராக தொடர்ந்து அடித்த நான்கு டெஸ்ட் சதங்கள் அசாத்தியமானவை. இதுவரை சச்சின் டெண்டுல்கர் கூட செய்ததில்லை என புகழ்ந்து கூறியுள்ளார்.
முதல் டெஸ்ட் போட்டியில் தோல்வி அடைந்த இந்திய அணி இரண்டாவது டெஸ்ட் போட்டியில் ஆஸ்திரேலியாவுக்கு பதிலடி கொடுக்கும் என இந்திய ரசிகர்கள் அனைவரும் எதிர்பார்ப்புடன் உள்ளனர்.