கடுமையான விமர்சனங்களை சந்திக்கும் இஷான் கிஷானின் தேர்வு!

சில தினங்களுக்கு முன்னர் லக்னோ மற்றும் ஆர் சி பி அணிகளுக்கு இடையிலான போட்டியில் பெங்களூர் அணி 16 ரன்கள் வித்தியாசத்தில் வெற்றி பெற்றது. இந்த போட்டியில் பீல்டிங் செய்யும் போது லக்னோ அணியின் கேப்டன் கே எல் ராகுலுக்கு தொடைப் பகுதியில் காயம் ஏற்பட்டது. இதையடுத்து அவர் உடனடியாக களத்தை விட்டு வெளியேறினார்.

இந்நிலையில் இப்போது ராகுல் எஞ்சிய ஐபிஎல் போட்டிகள் மற்றும் அடுத்த மாதம் தொடங்க உள்ள டெஸ்ட் சாம்பியன்ஷிப் இறுதிப் போட்டி ஆகியவற்றில் விளையாட மாட்டார் என அறிவிக்கப்பட்டுள்ளது. இதனால் லண்டனில் நடக்கும் போட்டியில் ராகுலுக்குப் பதில் இஷான் கிஷான், சஞ்சு சாம்சன் அல்லது ருத்துராஜ் கெய்க்வாட் ஆகிய மூவரில் ஒருவர் தேர்வு செய்யப்படலாம் என சொல்லப்பட்ட நிலையில் இஷான் கிஷான் தேர்வு செய்யப்பட்டுள்ளார்.

ஆனால் அவரின் தேர்வு குறித்து சமூகவலைதளங்களில் கடுமையான விமர்சனங்களை சந்தித்துள்ளது. உலக டெஸ்ட் சாம்பியன்ஷிப் போன்ற ஒரு முக்கியமான போட்டியில் இஷான் கிஷானின் தேர்வு சரியாக இருக்காது என் பலரும் டிவிட்டர் உள்ளிட்ட சமூகவலைதளங்களில் கருத்துகளை தெரிவித்து வருகின்றனர்.