இந்தியா – இங்கிலாந்து இடையிலான 2 ஆவது ஒரு நாள் போட்டி, இங்கிலாந்தில் உள்ள கார்டிஃப் நகரில் இன்று நடைபெறுகிறது. இதில் டாஸ் வென்ற இங்கிலாந்து அணியின் கேப்டன் குக், பந்துவீச்சைத் தேர்வு செய்தார்.
இந்த மைதானத்தைப் பொறுத்தவரை, இங்கு இந்திய அணி, 3 ஆட்டங்களில் விளையாடி 2இல் வெற்றியும் (தென்ஆப்பிரிக்கா, இலங்கைக்கு எதிராக), ஒன்றில் தோல்வியும் (இங்கிலாந்துக்கு எதிராக) கண்டுள்ளது.
இங்கிலாந்து அணி, இதுவரை 7 ஆட்டங்களில் விளையாடி அதில் 4 இல் வெற்றி பெற்றுள்ளது. மூன்று ஆட்டத்திற்கு முடிவில்லை.
இந்த மைதானத்தில் இந்திய அணியின் முன்கள வீரர்களான ஷிகர் தவான் மற்றும் கோஹ்லி சதம் அடித்துள்ளனர் என்பது குறிப்பிடத்தக்கது.
தொடக்க ஆட்டக்காரர்களான ஷிகர் தவானும், ரோகித் ஷர்மாவும் களத்தில் உள்ளனர்.
