நான் ரவீந்திரன்.. நீ ரவிச்சந்திரன்.. என்னமா தமிழ் பேசுறாரு ஜட்டு! – அஸ்வினை வாழ்த்தி வீடியோ வெளியிட்ட ஜடேஜா!

ஐபிஎல் போட்டிகளுக்காக சென்னை வந்துள்ள ரவீந்திர ஜடேஜா 100 டெஸ்ட் போட்டிகளில் விளையாடிய அஸ்வினை வாழ்த்தி தமிழில் பேசி வீடியோ வெளியிட்டுள்ளார்.

இந்த ஆண்டிற்கான ஐபிஎல் போட்டிகள் மார்ச் 22ம் தேதி தொடங்கும் நிலையில் முதல் போட்டியே நடப்பு சாம்பியனான சென்னை சூப்பர் கிங்ஸ் அணிக்கும், ராயல் சேலஞ்சர்ஸ் அணிக்கும் நடைபெற உள்ளது. சென்னையில் நடைபெற உள்ள இந்த போட்டிக்காக சிஎஸ்கே வீரர்கள் சென்னை வந்தடைந்து பயிற்சியில் ஈடுபட்டு வருகின்றனர்.

இந்நிலையில் ரவீந்திர ஜடேஜாவும் தற்போது சென்னை வந்தடைந்து பயிற்சிகளை மேற்கொண்டு வருகிறார். சமீபத்தில் நடந்து முடிந்த இங்கிலாந்துக்கு எதிரான டெஸ்ட் போட்டியின் அஸ்வின் 100 டெஸ்ட் தொடர்களை தாண்டியது குறித்து வாழ்த்து தெரிவித்து தமிழில் பேசி வீடியோ ஒன்றை வெளியிட்டுள்ளார் ஜடேஜா.

அதில் “நான் ரவீந்திரன்.. நீ ரவிச்சந்திரன்! மீசை வெச்சா இந்திரன், மீசை வெக்கலைனா சந்திரன். அஸ்வின் அண்ணா.. நீங்கள் 100 டெஸ்ட் போட்டிகளை கடந்துள்ளதற்கு வாழ்த்துகள். நீங்கள் சொன்ன ஐடியாக்களை பின்பற்றி நானும் சில விக்கெட்டுகளை வீழ்த்தினேன். நீங்கள் இன்னும் பல போட்டிகளில் பல விக்கெட்டுகளை வீழ்த்த வேண்டும்” என கூறியுள்ளார். வீடியோவின் இறுதியில் ’நல்லாருக்க ஆஷ்.. ரொம்ப நல்லாருக்க..” என்று உற்சாகமாக கத்தியுள்ளார். இந்த வீடியோ தற்போது சமூக வலைதளங்களில் வைரலாகி வருகிறது.

Edit by Prasanth.K