டாக்காவில் வங்கதேசம், ஜிம்பாப்வே அணிகளுக்கு இடையே நடைபெற்ற 2-வது ஒருநாள் கிரிக்கெட் போட்டியில் வங்கதேசம் 6 விக்கெட்டுகள் வித்தியாசத்தில் வெற்றி பெற்று 5 போட்டிகள் கொண்ட தொடரில் 1-1 என்று சமநிலை எய்தியது.
ரசாக்கின் ஹேட்ரிக் ஷாகிபின் 4 விக்கெட்டுகளுடன் 191 ரன்களுக்கு ஜிம்பாப்வேயைச் சுருட்டிய வங்கதேசம் பிறகு 39.4 ஓவர்களில் 4 விக்கெட் இழப்புக்கு 194 ரன்கள் எடுத்து வெற்றி பெற்றது.
தமீம் இக்பால் 48 பந்துகளில் 5 பவுண்டரிகள் 2 சிக்சர்களுடன் 44 ரன்கள் எடுத்து நல்ல துவக்கம் கொடுக்க ஜுனைத் சித்திக் 53 ரன்களையும் ராகிபுல் ஹஸன் 65 ரன்களையும் எடுத்து வெற்றியைச் சாதித்தனர்.
ஜிம்பாப்வே அணியில் இடது கை சுழற்பந்து வீச்சாளர் ரே பிரைஸ் 2 விக்கெட்டுகளைக் கைப்பற்றினார்.
ஆட்டநாயகனாக ஹேட்ரிக் சாதனையாளர் அப்துர் ரசாக் தேர்வு செய்யப்பட்டார்.
