இங்கிலாந்தில் நடந்து வரும் இருபது-20 உலகக்கோப்பை கிரிக்கெட் போட்டித் தொடரில் இன்று 2 லீக் ஆட்டங்கள் நடைபெறுகின்றன.
பி-பிரிவில் நடக்கும் முதல் போட்டியில் நெதர்லாந்து அணியை எதிர்த்து பாகிஸ்தான் விளையாட உள்ளது. இங்கிலாந்துக்கு எதிரான போட்டியில் தோல்வியைத் தழுவியதால் பாகிஸ்தான் அணி இன்றைய போட்டியில் கட்டாயம் வென்றாக வேண்டிய நெருக்கடிக்கு உள்ளாகியுள்ளது.
பி-பிரிவில் நடந்த முதல் லீக் போட்டியில் இங்கிலாந்து அணியை நெதர்லாந்து வீழ்த்தி அதிர்ச்சி அளித்தது. எனவே, பாகிஸ்தானுக்கு எதிரான போட்டியிலும் நெதர்லாந்து கடும் நெருக்கடியை ஏற்படுத்தும் என ரசிகர்கள் நம்புகின்றனர்.
இதேபோல் டி-பிரிவில் நடக்கும் மற்றொரு லீக் போட்டியில் சூப்பர்-8 சுற்றுக்கு தகுதி பெற்றுள்ள தென்ஆப்ரிக்கா-நியூஸீலாந்து அணிகள் மோதுகின்றன. இது சம்பிரதாயப் போட்டியாக கருதப்பட்டாலும், இரு அணிகளுமே சமபலம் வாய்ந்தவை என்பதால் இன்றைய ஆட்டம் மிகவும் விறுவிறுப்பாக இருக்கும்.