அனிருத் மேஜிக்… சிவகார்த்திகேயன்& முருகதாஸ் படத்தின் ஆடியோ வியாபாரத்தில் மைல்கல்!

கடந்த மூன்று ஆண்டுகளாக எந்த படமும் இயக்காமல் இருந்த ஏ ஆர் முருகதாஸ், இப்போது சிவகார்த்திகேயனை வைத்து தனது அடுத்த படத்தைத் தொடங்கியுள்ளார். இந்த படத்தின் ஷூட்டிங் கடந்த மாதம் சென்னையில் பூஜையோடு தொடங்கியது. படத்தில் கதாநாயகியாக ருக்மினி வசந்த் நடிக்க அனிருத் இசையமைக்கிறார்.

ஷூட்டிங் தற்போது சென்னையின் சில பகுதிகளில் நடந்து வருகிறது. சிவகார்த்திகேயன் மற்றும் முருகதாஸ் இணைந்துள்ளதால் இந்த படத்தின் பட்ஜெட் 70 கோடி ரூபாய் என சொல்லப்படுகிறது. இந்த படத்தை இடைவெளியே இன்றி நடத்தி வருகிறார் முருகதாஸ். படத்தில் வில்லனாக நடிக்க வித்யுத் ஜமால் ஒப்பந்தம் ஆகியுள்ளார்.

இந்த படத்தின் ஷூட்டிங்கை விறுவிறுப்பாக நடத்தி இன்னும் சில மாதங்களில் முடித்துவிட்டு சல்மான் கான் படத்துக்கு செல்ல உள்ளார் முருகதாஸ். இந்நிலையில் இந்த படத்தின் ஆடியோ உரிமையை ஆதித்யா ம்யூசிக் நிறுவனம் 16 கோடி ரூபாய்க்கு வாங்கியுள்ளதாம். இதுவரை சிவகார்த்திகேயன் படத்துக்கு இல்லாத மிகப்பெரிய தொகை இது என்று சொல்லப்படுகிறது.