இயக்குனர் அருண் மாதேஸ்வரன் இயக்கத்தில் உருவான ராக்கி கடந்த ஆண்டு இறுதியில் வெளியாகி பொதுவாக நல்ல விமர்சனங்களையே பெற்றது. இதையடுத்து அவர் செல்வராகவனை வைத்து இயக்கிய திரைப்படமும் முடிந்து ரிலீஸுக்கு தயாராகி வருகிறது. இந்நிலையில் அவர் தனது மூன்றாவது படத்தை இயக்க உள்ளார்.
இந்த படத்தை சத்யஜோதி பிலிம்ஸ் தயாரிக்க உள்ள நிலையில் இந்த படத்துக்கு ஜி வி பிரகாஷ் இசையமைக்கிறார். படப்பிடிப்பு சமீபத்தில் தொடங்கி மழைக் காரணமாக நிறுத்தி வைக்கப்பட்டுள்ளது.
இதையடுத்து சமீபத்தில் மீண்டும் இந்த படத்தின் ஷூட்டிங் தொடங்கிய நிலையில் படத்தின் செட் மேக்கிங் அடங்கிய கிளிம்ப்ஸ் வீடியோ ஒன்றை படக்குழு இணையத்தில் வெளியிட, அது வைரல் ஆகி வருகிறது.