கடந்த இரண்டு நாட்களுக்கு முன்னர் மதுரை ஆதினத்திற்கு திடீரென உடல்நலக்குறைவு ஏற்பட்டதாகவும், அதன் காரணமாக அவர் மருத்துவமனையில் சிகிச்சை பெற்று வருவதாகவும் செய்திகள் வெளியாகின.
ஆனால் தற்போது மதுரையில் இருந்து கசிந்து வரும் செய்திகளில் இருந்து மதுரை ஆதினம் அவர்களின் உடல்நிலையில் எந்த பிரச்சனையும் இல்லை என்றும், ஆர்.கே.நகர் தேர்தலில் தினகரனுக்காக பிரச்சாரம் செய்ய வருமாறு தினகரன், நடராஜன் ஆகியோர்களிடம் இருந்து தொடர்ந்து வற்புறுத்தல் வருவதால் அவர் மருத்துவமனைக்கு சென்றுவிட்டதாகவும் கூறப்படுகிறது.
கடந்த ஆண்டு ஜெயலலிதாவை சந்தித்து கிட்டத்தட்ட அதிமுக விசுவாசியாகவே மாறிவிட்ட மதுரை ஆதினம், அதிமுக இரண்டாக பிளந்ததில் இருந்து அரசியல் இருந்து விலகி இருக்கவே முடிவு செய்தார். இந்த நிலையில் தொடர்ந்து தினகரன் தரப்பில் இருந்து வந்த அழுத்தம் காரணமாகவே அவர் மருத்துமனையில் இருந்து வருவதாக மதுரை தரப்பினர் கூறிவருகின்றனர்.