டுனெடின்: நியூஸீலாந்து அணிக்கும் மேற்கிந்திய தீவுகள் அணிக்கும் டுனெடின் மைதானத்தில் நடைபெற்று வரும் முதல் டெஸ்ட் போட்டியின் 3-ம் நாள் ஆட்டத்தில் நியூஸீலாந்து அணி 365 ரன்களுக்கு ஆட்டமிழந்தது.
மழை காரணமாக 2-ம் நாள் ஆட்டம் நேற்று முழுதும் கைவிடப்பட்டதால் இன்று 3-ம் நாள் காலை 226/4 என்று களமிறங்கிய நியூஸீலாந்து அணியில் ரைடர் சிறப்பாக விளையாடி 89 ரன்களை எடுத்தார்.
மெக்குல்லம் 25 ரன்களுக்கு முதலில் பெவிலியன் திரும்பினார். அடுத்ததாக ஜேம்ஸ் ஃபிரான்க்ளின் 7 ரன்கள் எடுத்து ஆட்டமிழந்தார். வெட்டோரி 30 ரன்கள் எடுத்து ஆட்டமிழந்தார்.
நியூஸீலாந்து 365 ரன்களுக்கு ஆட்டமிழந்தது. மேற்கிந்திய அணியில் டேரன் போவெல், பிடல் எட்வர்ட்ஸ், கிறிஸ் கெய்ல் ஆகியோர் முறையே 3 விக்கெட்டுகளை சாய்த்தனர்.
3-ம் நாள் ஆட்ட முடிவில் மேற்கிந்திய அணி விக்கெட் இழப்பின்றி 39 ரன்கள் எடுத்துள்ளது. கிறிஸ் கெய்ல் 48 பந்துகளில் 3 பவுண்டரிகள் ஒரு சிக்சர் சகிதம் 29 ரன்களுடனும் சாட்டர்கூன் 9 ரன்களூடனும் களத்தில் உள்ளனர்.
