இது இப்போது தேவையில்லாத ஆணி.. ‘பாரத்’ குறித்து நடிகர் சித்தார்த்..!

இது எப்போது தேவையில்லாத ஆணி என்று இந்தியா என்ற பெயரை பாரத் என மாற்றுவது குறித்த கேள்விக்கு நடிகர் சித்தார்த் பதிலளித்தார். 

கடந்த சில ஆண்டுகளுக்கு முன்பு வரை நடிகர் சித்தார்த் சமூக கருத்துக்களை தனது சமூக வலைதளத்தில் ஆவேசமாக தெரிவிப்பார். ஆனால் தற்போது திமுக ஆட்சி பொறுப்பேற்றதிலிருந்து அவர் அமைதியாகிவிட்டதாக கூறப்படுகிறது. 

இந்த நிலையில் சென்னையில் நிகழ்ச்சி ஒன்றில் கலந்து கொண்ட அவரிடம் செய்தியாளர்கள் இந்தியா என்ற பெயரை பாரத் என மாற்றுவது குறித்து கேட்டபோது நாம் அனைவரும் இப்போது இந்தியாவில் தான் இருக்கிறோம், யார் எந்த பெயர் வைத்தார்கள் என்பதெல்லாம் தேவையில்லாத ஆணி என்று தெரிவித்தார்.

 நான் எந்த வேலைக்கு வந்திருக்கின்றனோ, அந்த வேலையை என்னை பார்க்க விடுங்கள், அதேபோல் நீங்களும் உங்கள் வேலையை மட்டும் பாருங்கள் என்று கொஞ்சம் காட்டமாகவே தெரிவித்தார்.

Edited by Siva