தமிழக ஐ.ஏ.எஸ். அதிகாரிகள் 7 பேர் மாற்றம்!

ஐ.ஏ.எஸ். அதிகாரிக‌ள் ஏழு பேரை தமிழக அரசு பணியிட மாற்றம் செய்துள்ளது. இவர்கள் பல்வேறு துறைகளுக்கு மற்றம் செய்யப்பட்டுள்ளனர்.

தமிழ்நாடு மாசுக் கட்டுப்பாட்டு வாரியத் தலைவர் என். சுந்தர தேவன் சுற்றுச் சூழல் மற்றும் காடுகள் பாதுகாப்புத் துறைச் செயலராக பணி மாற்றம் செய்யப்பட்டுள்ளார்.

தமிழக கைவினை மேம்பாட்டு நிறுவனத்தின் தலைவர் ஸ்மிதா நாகராஜ் எரிசக்தித் துறை செயலாளராக நியமிக்கப்பட்டுள்ளார். சேலம் நகராட்சி ஆணையர் எம். ஜெயராமன் நாக ை மாவட்ட ஆட்சியராக பணி மாற்றம் செய்யப்பட்டுள்ளார்.

சென்னை நகராட்சி கூடுதல் ஆணையர் (கல்வி) காகர்லா உஷா சென்னை மாவட்ட ஆட்சியராக நியமிக்கப்பட்டுள்ளார்.

தமிழ்நாடு பொது விநியோகம் மற்றும் நுகர்வோர் பாதுகாப்புத் துறை இணை ஆணையராக இருந்த யு. சகாயம் நாமக்கல் மாவட்ட ஆட்சியராக பணியிட மாற்றம் செய்யப்பட்டுள்ளார்.

தமிழ் நாடு விளையாட்டுத்துறை மேம்பாட்டு ஆணையத்தின் செயலுறுப்பினர் எம்.ராஜேந்திரன் திருவண்ணாமலை மாவட்ட ஆட்சியராக மாற்றம் செய்யப்பட்டுள்ளார்.

வருவாய் நிர்வாக இணை ஆணையர் (நிவாரணம் மற்றும் மறுவாழ்வுத்துறை) ரீட்டா ஹரிஷ் தாக்கர் புதுக்கோட்டை மாவட்ட ஆட்சியராக பணியிட மாற்றம் செய்யப்பட்டுள்ளார்.