லாரிகள் மோதியதில் 2 பேர் பலி

மேல்மருவத்தூர் அருகே மினி லாரி ஒன்று லாரியுடன் மோதி விபத்துக்குள்ளானதில் இரண்டு பேர் உயிரிழந்தனர். ஒருவர் படுகாயமடைந்தார்.
மேல்மருவத்தூர் அருகே சோக்குப்பாக்க என்ற இடத்தில் சென்னையில் இருந்து திண்டிவனம் சென்று கொண்டிருந்த லாரி ஒன்று டயர் பழுதாகி நின்று கொண்டிருந்தது. அதன் மீது கோயம்பத்தூரில் இருந்து சென்னை வந்து கொண்டிருந்த மினி லாரி ஒன்று எதிர்பாராத விதமாக மோதி விபத்துக்குள்ளானது.
இந்த விபத்தில் ஞானசேகரன் (37), அவரது மாமனார் இஸ்ரவேல் (55) ஆகியோர் உயிரிழந்தனர். உதவியாளர் (25) படுகாயமடைந்து செங்கல்பட்டு அரசு மருத்துவமனையில் அனுமதிக்கப்பட்டுள்ளார்.
இந்த விபத்தால் சென்னை - திருச்சி தேசிய நெடுஞ்சாலையில் போக்குவரத்து பாதிக்கப்பட்டது.